აფხაზეთის ფეხბურთის ფედერაციის ეგიდით მიმდინარე გათამაშებებიდან, ყველაზე უმცროს ასაკში, 2008-09 წლებში დაბადებულ ბავშვთა გათამაშებაში, მე-4 ტურის შემდეგ, ცხრილს ერთბაშად 3 ლიდერი ჰყავდა, მაგრამ მე-5 ტურმა არაერთი რამ შეცვალა. ამჯერად გათამაშების ცხრილს ერთპიროვნულად "რუსთავი-1" ლიდერობს.

აღსანიშნავია ის, რომ "რუსთავი-1" დამსახურებულად ლიდერობს. რუსთაველთა ამ გუნდმა "ასმც-იმედს", რომელიც ტრიოდან ცხრილის ერთ-ერთი ლიდერი იყო, სტუმრად 10:2 სძლია. ამასთან, "რუსთავი-1" ამ გათამაშებაში ერთადერთი გუნდია, რომელსაც ჯერ ქულა არ დაუკარგავს.

თუმცა, სჯობს ბოლოს ჩატარებული მატჩების შედეგებსა და სატურნირო ცხრილს აქვე გავეცნოთ.

19-20 მაისი 2018 წ.

მე-5 ტური

1. ასმც-ვარკეთილი - ივერია (ხაშური) - 4:3

2. დილა (გორი) - გარეჯი (საგარეჯო) - 2:0

3. ლიახვი (აჩაბეთი) - ივერია 2009 (ხაშური) - 2:3

4. ასმც-იმედი - რუსთავი-1 - 2:10

5. ნორჩი დინამო - მთვარის გლობუსი - 5:1

6. რუსთავი-2 - ისვენებს

გათამაშების ცხრილი (21.05.2018)