როგორც უკვე დაანონსებული იყო, დღეს, 27 აპრილს აფხაზეთის ფეხბურთის ფედერაციის აღმასკომის სხდომა გაიმართა, რომლის დღის წესრიგში ორგანიზაციული საკითხების გადაწყვეტა იყო. კერძოდ, აფხაზეთის ფეხბურთის ფედერაციის ვიცე-პრეზიდენტის, პასიხისმგებელი მდივნის, საშეჯიბრო კომიტეტის უფროსისა და მთავარი ბუღალტერის დამტკიცება გახლდათ.

აფხაზეთის ფეხბურთის ფედერაციის აღმასკომის სხდომას აღმასკომის ხუთივე წევრი ესწრებოდა. ესენია:

1. სოსო მალანია - აღმასკომის თავმჯდომარე

2. მიხეილ ჯიშკარიანი - აღმასკომის წევრი

3. როსტევან ფარცვანია - აღმასკომის წევრი

4. გიორგი ლომაია - აღმასკომის წევრი

5. გიორგი კაკაბაძე - აღმასკომის წევრი

აფხაზეთის ფეხბურთის ფედერაციის აღმასკომმა, ფედერაციის ვიცე-პრეზიდენტად მიხეილ ჯიშკარიანის კანდიდატურა დაამტკიცა. ფედერაციის პასუხისმგებელი მდივანი დიმიტრი ჭანტურია გახდა, საშეჯიბრო კომიტეტის უფროსი თენგიზ გეგუჩაძე, ხოლო ორგანიზაციის მთავარი ბუღალტერი მზია ცაავა-სიჭინავა გახდა.