საქართველოს ეროვნული გმირის, აფხაზეთში გმირულად დაღუპული, საფეხბურთო კლუბი სოხუმის "ცხუმის" პირველი პრეზიდენტის, გურამ გაბისკირიას სახელობის თასის გათამაშება, აფხაზეთის ფეხბურთის ფედერაციამ შარშან, 2018 წელს პირველად ჩაატარა. ორგანიზატორებმა მაშინვე განაცხადეს, რომ ეს გათამაშება ყოველწლიური, ტრადიციული გახდებოდა და ასეც იქნება.

დღეს, 1 ნოემბერს, ვეტერანი ქართველი ფეხბურთელი, საქართველოს ეროვნული ნაკრების ყოფილი ფორვარდი, არა მარტო საქართველოში, არამედ პოსტ საბჭოთა ქვეყნებსა და გადაჭარბებული არც ის იქნება თუ ვიტყვით, თავის თაობაში, ევროპაში გამორჩეული, მიხეილ ჯიშკარიანი 50 წლის გახდა.

აფხაზეთის ფეხბურთის ფედერაცია

აფხაზეთის ფეხბურთის ფედერაციის აღმასკომი

თანაუგრძნობს, სოხუმის "დინამოს", სოხუმის "ცხუმისა"

და საქართველოს ეროვნული ნაკრების ყოფილ მეკარეს, გოჩა ჟორჟოლიანს,

დედის

გარდაცვალების გამო და სამძიმარს უცხადებს გარდაცვლილის ოჯახს!

აფხაზეთის ფეხბურთის ფედერაციის ეგიდით მოასპარეზე გუნდების ხელმზღვანელების, მწვრთნელების, ფეხბურთელებისა და გულშემატკივართა საყურადღებოდ!!!

აფხაზეთის ფეხბურთის ფედერაციის ეგიდით მიმდინარე 2019 წლის საფეხბურთო სეზონის ყველა ასაკობრივი ჩემპიონატების ყველა მატჩის შედეგებსა და პერიოდულად განახლებულ სატურნირო ცხრილს აფხაზეთის ფეხბურთის ფედერაციის ოფიციალურ ვებგვერდზე (საიტზე) კვლავაც იხილავთ. თქვენთვის უფრო კომფორტული რომ გამხდარიყო ყველა ტურის შედეგების ერთ გვერდზე ნახვა მცირედი ცვლილება შევიტანეთ.

ამიერიდან, აფხაზეთის ფეხბურთის ფედერაციის ეგიდით მიმდინარე ხუთივე ჩემპიონატის მეორე ნახევრის სათამაშო კალენდარი განთავსებული "ჩემპიონატების" განყოფილებაში. ყოველი ტურის შემდეგ, თქვენ კურსორით (ისარით) ზემო პანელზე უნდა მოძებნოთ, (მთავარი, სიახლეები, ფედერაცია - შემდეგი) მე-4 სექტორი, რომლის სახელწოდებაა "ჩემპიონატები". ამ განყოფილებაში ვერტიკალურად განლაგებულია ხუთივე ჩემპიონატი, აირჩევთ თქვენთვის სასურველ გათამაშებას და კურსორით (ისარით) მიუთითებთ "სრულად ნახვას" და თქვენ იხილავთ ამ ჩემპიონატის განახლებულ სატურნირო ცხრილსა და სეზონის მეორე ნახევრის ყველა შედეგს.

ზემო პანელზე აღნიშნულ განყოფილებებზე "მთავარი" და "სიახლეები" ამიერიდან განთავსდება მხოლოდ ახალი ამბები.

ყოველივე ეს თქვენი კომფორტისათვის გავაკეთეთ. მადლობა თანამშრომლობისთვის...

ცხრილის ერთპიროვნულმა ლიდერმა, დედაქალაქურმა "დიდუბე 2014"-მა მდევართან, კასპის "განთიადი 2003"-თან, 2-ქულიანი ფორა შეიქმნა. თუმცა, შინ მესამეადგილოსანი "მუხრანი" (წილკანი) რომ დაემარცხებინა, ფორა უფრო სოლიდური 4-ქულიანი იქნებოდა... თბილისის "მერანმა" სა "საქართველოს უნივერსიტეტმა" ადგილები გაცვალის... პირველი ფრე ითამაშა ცხრილის ფსკერზე მყოფმა კასპის "განთიადი-2"-მა.

"მცხეთამ" დომინანტს ვერ გაუსწრო. არა და, შინ "გაგრასთან" მარცხის ნაცვლად ფრე მაინც რომ ეთამაშა, მცხეთელები მეხუთის ნაცვლად მეოთხე ადგილზე იქნებოდნენ. რაც შეეხება ლიდერებს, ცხრილს კვლავ "გაგრა" უდგას სათავეში. გაგრელებს ქულითა და საფეხურით ჩამორჩება "რუსთავი". 3 ქულით ნაკლები აქვს მესამეზე მყოფ მარნეულის "ალგეთს".

თბილისის "ლომები" უკვე მე-3 ადგილზე აღზევდა. უფრო მეტიც, ეს გუნდი თბილისის "ნორჩი დინამოსთან" და კასპის განთიადთან" ერთად, 18-18 ქულით მეორე ადგილზეა. ეს და სხვა ამბები მოხდა ნიაზ ძიაფშიპას სახელობის ჩემპიონატში, რომელშიც 2006-07 წლებში დაბადებული მოზარდები ასპარეზობენ.

მარნეულის "ალგეთი 2007", კასპის "განთიადი 2007" და "მუხრანი", 2007-08 წლებში დაბადებულ მოზარდთა გათამაშებას, რომელიც ვლადიმერ მარღანიას სახელს ატარებს, კვლავაც ეს ტრიო ლიდერობს. ამ ჩემპიონატს თბილისის "იმედი" გამოეთიშა, მაგრამ მოწინავე სამეულმა პირველობა არ დათმო და სხვა გუნდები ჯერჯერობით უიმედოდაა.

აფხაზეთის ფეხბურთის ფედერაციის ეგიდით მიმდინარე ტურნირებიდან, ყყველაზე უმცროს ასაკში გოლების სარეკორდო წვიმა დაფიქსირდა. თავად გამსაჯეთ, 4 მატჩში 49 გოლი გავიდა, რას საშუალოდ ერთ თამაშში 12 გოლზე მეტის ტოლფასია.

"დიდუბე 2014" ისევ პირველია ვლადიმერ (სიომა) ბარქაიას სახელობის გათამაშებაში, რომელშიც 2003-04 წლებში დაბადებული ჭაბუკები ასპარეზობენ. ლიდერს მხოლოდ ქულით ჩამორჩება კასპის "განთიადი 2003". ამ ტურნირის ცხრილში სწორედ ეს ორი გუნდია გამოკვეთილი ლიდერი და სხვენს საკმაო ფორით უსწრებენ.