მთავარი   |  სიახლეები  |  ფედერაცია  |  ჩემპიონ ლიგა  |  ოქროს წიგნი  |  რეგლამენტი  |  კონტაქტი  |  ფესტივალი  



საბუთების მიღება იწყება! 31.01.2024

როგორც იცით, 30 იანვარს შეწყდა 2024 წლის სეზონზე მოასპარეზე გუნდების რეგისტრაცია!

გვინდა მადლობა გადაგიხადოთ თითოეულ თქვენგანს ჩვენთან თანამშრომლობის სურვილისთვის, მართლაც, წელს გუნდების რეკორდული მაჩვენებელი დაფიქსირდა, რაც ნიშნავს იმას, რომ „ჩემპიონ ლიგა" თქვენთვის ფავორიტი ჩემპიონატია.

გუნდების სია შეგიძლიათ იხილოთ „ჩემპიონ ლიგის" კატეგორიაში, ასაკების მიხედვით.

ჩემპიონატი სტარტს აიღებს 6 მარტს!

1 თებერვლიდან 20 თებერვლის ჩათვლით იწარმოებს საბუთების მიღება. რამდენიმე დღეში მოხდება გუნდების დაყოფა ჯგუფებად, შესაბამისად თქვენთვის გახდება ცნობილი რომელი გუნდი რომელ ჯგუფში იასპარეზებს. 

გთხოვთ დროულად მოგვაწოდოთ სათამაშო დროები და დღეები სათამაშო კალენდრის შესადგენად! 

სიახლე! 13.01.2024

მოგილოცავთ ყველას ახალ 2024 წელს!

როგორც უკვე ჩვენს Facebook გვერდზე გამოქვეყნდა, 11 იანვრიდან 30 იანვრის ჩათვლით მიმდინარეობს გუნდების რეგისტრაცია ჩემპიონ ლიგის 2024 წლის ჩემპიონატებში მონაწილეობის მისაღებად!

2024 წლის გეგმა ასეთია:
⚽️ ჩემპიონ ლიგა U 19
⚽️ ჩემპიონ ლიგა 2008-2016 წლებში დაბადებულთა შორის გაიმართება!
     
გუნდებს გთხოვთ რეგისტრაციისთვის დაუკავშირდეთ ბატონ მამუკა ელიკაშვილს, ნომერზე
577 17 04 04 
 ჩვენს ვებ გვერდზე ეტაპობრივად განთავსდება იმ გუნდების სია, რომლებიც გამოთქვამენ ჩემპიონატში მიღების სურვილს.

აფხაზეთის ფეხბურთის ფედერაცია გილოცავთ დამდეგს! 30.12.2023

მნიშვნელოვანი ინფორმაცია! 22.12.2023

დღეს, 22 დეკემბერს გაიმართა აფხაზეთის ავტონომიური რესპუბლიკის ფეხბურთის ფედერაციის რიგით მეექვსე საპრეზიდენტო საარჩევნო ყრილობა, სადაც ხმათა მაქსიმალური რაოდენობით გაიმარჯვა ბატონმა სოსო მალანიამ!
შეხვედრაზე ბატონმა სოსომ შეაჯამა გასული წელი და გუნდის მუშაობის შედეგები მოახსენა დამსწრე საზოგადოებას.
პრეზიდენტმა გაიხსენა პანდემიის რთული პერიოდიც, რამაც საკმაოდ დააზარალა ქართული ფეხბურთი, თუმცა ძლიერი გუნდის წყალობით
აფხაზეთის ფეხბურთის ფედერაციამ სწრაფად მოახერხა რთული მდგომარეობიდან გამოსვლა და დაიწყო სიახლეების დანერგვა.

რა თქმა უნდა, დიდი წვლილი მიუძღვის საქართველოს ფეხბურთის ფედერაციას ჩვენს წარმატებაში. გვერდში დგომისთვის უდიდეს მადლობას ვუხდით მათ - განაცხადა ბატონმა სოსომ.
დღევანდელ შეხვედრაზე საუბარი იყო სამომავლო გეგმებზეც. პრეზიდენტმა განაცხადა, რომ უამრავ სიახლეს და სიურპრიზს პირდება ბავშვებს და საფეხბურთო სკოლებს მომავალში. მისი მიზანია აფხაზეთის ფეხბურთის ფედერაციამ კვალი დატოვოს და თავისი სიტყვა თქვას ქართული ფეხბურთის ისტორიაში! და ბოლოს… როგორც ბატონმა სოსომ აღნიშნა, ბევრი ხვიჩა კვარაცხელია გვინდა აღვუზარდოთ საქართველოს! ❤️
„ჩემპიონ ლიგა"-2023 დასრულდა! 11.12.2023

 

აფხაზეთის ფეხბურთის ფედერაციამ ოთხშაბათს, 20 დეკემბერს, 13:30 საათზე მცხეთის ცენტრალურ სტადიონზე გამართა „ჩემპიონ ლიგა" 2023 ის ფინალური შეხვედრა 2008 წელს დაბადებულ მოზარდთა შორის!

ავაზა   Vs   თ.ს.აკადემია

ფინალური შეხვედრა მეტად დაძაბული გამოდგა, გუნდები კარგად იყვნენ მომზადებულები, მაგრამ თამაში თ.ს.აკადემიას გამარჯვებით, ანგარიშით 1 - 0 დამთავრდა!

მატჩის შემდგომ გაიმართა „ჩემპიონ ლიგის" ყველა ასაკის პრიზიორი გუნდების დაჯილდოების საზეიმო ცერემონიალი.

ფინალური მატჩის და გუნდების დაჯილდოების ცერემონიალის ხილვა შესაძლებელი იყო LIVE რეჟიმში.

ვიდეო ასევე განთავსებულია ჩვენს FACEBOOK გვერდზე. 

აფხაზეთის ფეხბურთის ფედერაცია გისურვებთ წარმატებებს და კიდევ ერთხელ გიხდით მადლობას თანამშრომლობისთვის!

გურამ გაბისკირიას თასი 2023! 05.12.2023

           საქართველოს ეროვნული გმირის,  გურამ გაბისკირიას სახელობის თასის მფლობელი ავაზა გახდა!

 

  

სრულად ნახვა
აფფ-ს განცხადება! 05.12.2023

აფხაზეთის ფეხბურთის ფედერაციის განცხადება!

ა.წ.  22 დეკემბერს  გაიმართება აფხაზეთის ავტონომიური რესპუბლიკის ფეხბურთის ფედერაციის რიგით მეექვსე საპრეზიდენტო საარჩევნო ყრილობა!

აღნიშნული ყრილობა ჩატარდება მ.მესხის სახელობის სტადიონის საკონფერენციო დარბაზში 12:00 საათზე. 

რეგისტრაცია იწარმოებს 11:00 საათიდან.

„ლიბრას თასი" დასრულდა! 03.12.2023

სასიამოვნო სიახლე „ჩემპიონ ლიგის" გათამაშებაში მონაწილე 2008 წელს დაბადებული ფეხბურთელებისთვის!

როგორც იცით, კონკრეტულ ასაკში 18 გუნდი იღებდა მონაწილეობას და ჩვენი დებულების თანახმად, ჯგუფიდან მხოლოდ 2-2 გუნდი  მოიპოვებდა საგზურს ნახევარფინალში. 

ვინაიდან ბევრი საინტერესო და რთული შეხვედრა გამოდგა, გუნდების ბედი თითო ქულამ განსაზღვრა.საუკეთესოდ დაკომპლექტებული გუნდები და ძლიერი ფეხბურთელები აღმოჩნდნენ ნახევარფინალური შეხვედრების მიღმა. ერთ-ერთი ასეთი კარგად მოასპარეზე გუნდი „დიღომი" აღმოჩნდა.

სწორედ ამიტომ, საფეხბურთო სკოლა „დიღომი"-ს და „ლიბრა"-ს წიგნის მაღაზიათა ქსელის დამფუძნებლის ბატონი ზვიად სებისკვერაძის ინიციატივით და აფხაზეთის ფეხბურთის ფედერაციასთან შეთანხმებით „ჩემპიონ ლიგა" - 2008 წელს დაბადებულ მოზარდთა შორის, მე-3 და მე-4 ადგილზე გასული გუნდებისთვის, გამართავს ოთხთა ტურნირს, სადაც გუნდები გაითამაშებენ „ლიბრას თასს".

გაგაცნობთ 3-4 ადგილებზე გასული გუნდების ვინაობას და შემოგთავაზებთ თამაშების განრიგს:

A ჯგუფი                     VS                B ჯგუფი 

„შტურმი"                                        „დიღომი"

„გლდანი"                                        „გრანდი"

              6 დეკემბერი, ოთხშაბათი 

„შტურმი" - „გრანდი"  2 - 1

     „დიღომი" - „გლდანი"   3 - 1

ფინალური შეხვედრა 

 8 დეკემბერს, 15:00 საათზე, GFF დ.დიღმის სტადიონზე

„დიღომი" - „შტურმი"  5 - 1

ლიბრას თასი საფეხბურთო სკოლა „დიღომი"-ს გამარჯვებით დასრულდა! ფინალური მატჩის შემდგომ გაიმართა დაჯილდოების საზეიმო ცერემონიალი.

აფხაზეთის ფეხბურთის ფედერაცია მადლობას უხდის ბატონ ზვიადს თანამშრომლობისთვის. ვიმედოვნებთ, რომ სამომავლოდ ერთობლივად ბევრ საინტერესო პროექტს შემოგთავაზებთ!

 

1/2 ფინალი 26.11.2023

გთავაზობთ „ჩემპიონ ლიგის" გათამაშების 1/2 ფინალური შეხვედრების ანონს 2008, 2010 და 2011 წლებში დაბადებულ მოზარდთა შორის!

„ჩემპიონ ლიგა" - 2008

„გარეჯი" საგარეჯო - „თ.ს. აკადემია"   2 - 3 

„პლატო" - „ავაზა"                             1 - 3

განმეორებითი მატჩი

„ავაზა" - „პლატო"                             4 - 2 

„თ.ს.აკადემია" - „გარეჯი" საგარეჯო    3 - 2  

ფინალი 

„ავაზა" - „თ.ს.აკადემია"                     0 - 1  


„ჩემპიონ ლიგა" - 2010

„გლდანი"  - „ჩემპიონი"      1 - 4  

„მცხეთა" -  „საბურთალო"   0 - 2 

განმეორებითი მატჩი

„საბურთალო" - „მცხეთა"    2 - 2 

„ჩემპიონი" - „გლდანი"       1 - 0 

მატჩი 3-4 ადგილებისთვის

„მცხეთა" - „გლდანი"          1 - 2 

ფინალი

„ჩემპიონი" - „საბურთალო"  5 - 0 


„ჩემპიონ ლიგა" - 2011

A1 „დინ.სოხუმი" - „გლდანი"       3 - 1  

B1 „საბ. ბენდელა" - „რუსთავის მე-10 სკ." -   1 - 3

C1 „გარეჯი" საგარეჯო - „მართვე" 3 - 0

D1 „განთიადი" კასპი - „დიღომი"  0 - 0 პენ. 4 - 2

2011-იანებში 1/2 ფინალური შეხვედრები გაიმართება შემდეგი პრინციპით:

 „გარეჯი" საგარეჯო -„დინ.სოხუმი"    0 - 1 

 „რუსთავის მე-10 სკ." - „განთიადი" კასპი  2 - 1  

მატჩი 3-4 ადგილებისთვის

„განთიადი" კასპი - „გარეჯი" საგარეჯო 2 - 1

განმეორებითი შეხვედრა

„გარეჯი" საგარეჯო - „განთიადი" კასპი 2 - 3

ფინალი

„რუსთავის მე-10 სკ." - „დინ. სოხუმი" 1 - 1 პენ. 2 - 3

მნიშვნელოვანი განცხადება! 03.10.2023

მიმდინარე ჩემპიონატებში მონაწილე სკოლების და მათ მწვრთნელთა საყურადღებოდ!

გთხოვთ არსებული დავალიანება დაფაროთ უმოკლეს ვადაში, წინააღმდეგ შემთხვევაში აფხაზეთის ფეხბურთის ფედერაციის წარმომადგენლობა იძულებული გახდება შეაჩეროს  ყველა ასაკში არსებული გათამაშებები ანდა ჩაგეთვალოთ ტექნიკური წაგება მომდევნო კალენდარულ მატჩებში.

ჩვენი, როგორც ფედერაციის წარმომადგენლობის მხრიდან, შეღავათი იქნა გაკეთებული გათამაშების პირველ წრეში, მიუხედავად დავალიანებისა, მოხდა პირველი წრის მატჩების წარმატებით ჩატარება, სამსაჯო პერსონალის მივლინება თითოეულ თამაშზე, რადგან თავიდან აგვეცილებინა გართულებები. 

გვიხარია, რომ ბოლო 2 წლის მანძილზე საუკეთესოდ ტარდება აღნიშნული გათამაშებები, კმაყოფილებას გამოთქვამენ როგორც ბავშვები, ასევე მათი მშობლებიც, ამიტომ გთხოვთ ნუ შეუშლით ხელს და ნუ შეაფერხებთ ბავშვთა ფეხბურთის განვითარებას საწევრო გადასახადის დაგვიანების ან გადაუხდელობის გამო! 

აფხაზეთის ფეხბურთის ფედერაცია მადლობას გიხდით ყურადღებისთვის!

 

 
web-style.ge