აფხაზეთის ფეხბურთის ფედერაციისა და აფხაზეთის სპორტული მომზადების ცენტრის ეგიდით, მიმდინარე წლის 25 მაისს ახალი ტურნირი აიღებს სტარტს. გათამაშება აფფ-ს ყოფილი პრეზიდენტის, მურად ანჯაფარიძის ხსოვნას ეძღვნება და მასში 2008-09 წლებში დაბადებული ჭაბუკები იასპარეზებენ.

ტურნირში 8 გუნდი იასპარეზებს, რომლებიც წილისწყის შედეგად ორ ჯგუფში გადანაწილდა. ჯგუფიდან გასული 2-2 გუნდი ნახევარფინალში იასპარეზებს. ფინალური მატჩი კი 10 ივნისს, მურად ანჯაფარიძის დაბადების დღეს (70 წლის გახდებოდა) გაიმართება.